Prezantim dinjitoz i kulturës shqiptare në Gjermani
Me idenë e shkëmbimit të dy kulturave, e mbi të gjitha të prezantimit të kulturës shqiptare, në qytetin gjerman të Krefeldit u zhvillua një mbrëmje kulturor shqiptare. E ftuar edhe sopranoja e njohur, Alma Strazimiri. Në fundjavë qytetarët e Krefeldit dhe qyeteve të tjera përrreth, si Dyseldorfi, Këlni apo Eseni kishin fatin që në ambjentet e shkollës publike për të rriturit të përjetonin nga afë pjesë nga kultura shqiptare. Salla ishte mbushur plot, sa shumë mbetën edhe në këmbë. Mbrëmja nisi me dy valle shqiptare të interpretuara nga nxënësit e shkollës shqipe me mësuesin Adem Shala nga qyteti Viersener-it. Kryetarja e shoqatës gjermano - shqiptare për Integrim, Kulturë dhe Arsim, IKB, Juna Kule-Mörsch në fjalën e saj vuri theksin në nevojën e një ure bashkëpunimi kulturor mes dy popujve. Nxënës- valltarë të shkollës shqipe të Viersen-it Procesi i integrimit, i kuptuar si proces integrimi mes kulturave, po ndryshon kahje me kalimin e kohes. Në qoftë se ai filloi si proces