Albert Vataj

Artisti kontrovers britanik Damien Hirst është vënë sërish në qendër të polemikave të ambientalistëve pas veprave të tij të çuditshme të artit kontemporan në emër të të cilit sakrifikon mijëra kafshë. Në një prej këtyre nismave të pazakonta të artistit britanik janë sakrifikuar 9 mijë flutura, të cilat në kuadër të një instilacioni të quajtur ‘In and Out of Love’, brenda një muzeu londinez, insektet e mbyllua në një dhomë janë lënë atje për një kohë të gjatë në mënyrë që të lindin, të zhvillohen dhe më pas të ngordhin. Sipas shoqatave ambientaliste, që vazhdimisht i kanë kundërshtuar nismat e Hirst, gjatë 23 javëve të ekzibicionit të tij kanë ngordhur 9 mijë flutura. Speciet e përdoruara nga Hirst janë shumë të rralla, që vijnë nga pyjet tropikale dhe në kushte normale do të jetonin të paktën 9 muaj, ndërsa brenda instalacionit të tij arrijnë të mbijetojnë vetëm pak ditë në kushtet e një burgu pa dritare në muzeun ku artisti i ka ekspozuar si një formë arti.

Një koleksion ende i panjohur i shkrimeve të Franc Kafkës, të fshehura për katër dekada në një apartament në Tel Aviv, do të bëhen publike dhe do të transferohen në Bibliotekën Kombëtare të Izraelit, në bazë të një vendimi gjyqësor, njofton agjencia e lajmeve Reuters. Dokumentet qenë mbajtur nga Eva Hoffe dhe Ruth Ëiesler, dy motrat të cilat luftuan në një rast të gjatë katërvjeçar, në të cilin pretendonin se ato ishin trashëgimtare legale të dokumenteve, të cilat i morën nga nëna e tyre, Esther Hoffe, sekretarja dhe mikja e ngushtë Kafkës si dhe nga Max Brodi, biografi i shkrimtarit të njohur. Por, gjykata vendosi se Brodi kishte urdhëruar me vullnetin e tij se shumica e dokumenteve që ai ia kishte dhënë sekretares, duhet të shkonin në një arkiv publik. Kritikët besojnë se dokumentet mund të përfshijnë dorëshkrimet e Brodit, që do të mund të hidhnin dritë mbi jetën e Kafkës dhe kohën e kaluar në Pragë.   “Procesi”, “Kështjella” dhe “Amerika” janë veprat e Kafkës të bot