Albert Vataj

Kur sheh këto pamje të mrekullueshme, mendja të shkon se dikush është ulur dhe ka pikturuar. Por pamjet janë reale dhe këto formacione shkëmbore gjenden në Kinë, në provincën Gansu. Zona është mjaft popullore për turistët, që vijnë këtu për të shijuar panoramën spektakolare. Ky formacion shkëmbor është unik në botë. Ai i përket një tipi të gjeomorfologjisë petrografike që gjendet vetëm në Kinë. Kjo zonë është futur në listën e trashëgimive natyrore në vitin 2010. 

Këto foto spektakolare duket sikur janë pjesë e një filmi fantastiko- shkencor. Por në fakt janë pamje të marra këtu në Tokë, në Rrethin Arktik, ku temperaturat bien nën -40 gradë celsius. Këto janë pemë të mbuluara me dëborë, e cila ka ngrirë. Fotot janë realizuar në Finlandë nga 21 vjeçari italian, Niccolo Bonfadini. Ai kaloi nëntë ditë duke bërë kamping në këtë botë të ngrirë dhe mbeti i befasuar nga pamjet.

Antonio Bolfo, oficer policie në New York, nisi të interesohej për të hyrë në trupën policore pas ngjarjeve të 11 shtatorit. Por sa më shumë binte në dashuri me punën e tij në polici, aq më shumë e fotografonte atë, për të sjellë imazhet e punës së përditshme. Fotot e tij janë pjesë e një ekspozite, ku çdo qytetar ftohet për të hedhur një vështrim më afër punës së policisë dhe kostove emocionale të kësaj pune. Këto fotografi janë dëshmi e gjallë e veprimtarisë së përditshme të policisë, njëkohësisht dhe profesionalizmin e Antonio Bolfo si fotograf.

Albert Vataj Këto foto janë dëshmitarë të gjallë të një të djeshme që jep shpirt dhe një të ardhme që ngaset të shkruhet në mermerin e ftohtë të memuarit. Dyqane dhe kisha të heshtura, një tavolinë bilardoje që pret lojtarë, një makinë e shkatërruar në një pikë karburanti… janë këto disa prej imazheve që përkujtojnë disa prej qyteteve tashmë të braktisura në SHBA. Secili prej këtyre qyteteve ka një histori të vetën: dikush është shkatërruar si pasojë e zjarreve, një tjetër nga përmbytjet apo nga braktisja e vullnetshme. Tashmë prej tyre kanë mbetur vetëm copëza kujtimesh dhe aspak jetë. Këto janë copëza të vogla e të trishta të Amerikës së madhe, ëndërr e të gjithëve. Ku dje kishte jetë, sot ka gërmalla dhe mbi ta ndërtohet kjo e vetmi e frikshme, ky stampim surreal. Kujtimet e një jetë të vrullshme kanë zënë vend në këto pamje mjerane, të hështura dhe plot panik. Ndërsa përcjell këtë mozaik të vetmisë amerikanë, të braktisjes, një lloj ndjesie frike dhe paniku të mërthen, fun