Albert Vataj

Në 30 vjetorin e lindjes, Princi William trashëgoi rreth 10 milionë sterlina nga pasuria e nënës së tij të ndjerë, princeshës Diana. Princesha e Uellsit humbi jetën gjatë një aksidenti në vitin 1997. Ajo kishte një pasuri prej 16 milionë eurosh, një shumë që ka arritur deri në 20 milionë, për shkak të investimeve ndër vite. Në testamentin e saj, ajo kishte përcaktuar që djemtë e saj William dhe Harry të trashëgonin pasurinë në moshën 30-vjeçare. Mediat angleze kanë shkruar se princi William do t’i shpenzojë paratë për blerjen e një shtëpie të re, ku do të jetojë me gruan e tij, Kate, por disa revista rozë e kanë përgënjeshtruar lajmin.

Të mbash Kullën e shtrembër të Pizës apo të varesh në një shkëmb nuk është ajo që presim kur vizitojmë një muze apo një galeri të zakontë arti. Por ata që nuk kënaqen me kaq, kanë mundësinë të shkojnë në këtë muze të çuditshëm në Busan, Kore e Jugut, ku do të kenë mundësinë të 'ndërveprojnë' me kryeveprat falë iluzioneve optike. Muzeu përfshin piktura klasike të cilat kanë dicka ndryshe, subjektet e tyre apo gjymtyrët kanë dalë jashtë kufijve të kornizës. Me pak durim dhe vendosje turistët të cilët duan të bëjnë një foto mund të ndërveprojnë me kujdes duke u bërë pjesë e veprave të artit të vendosura në galeri.

Në jug të Afrikës, në Namibi, janë zbuluar disa hapësira të zhveshura toke, të cilat qëndrojnë në një distancë të caktuar mes bimësisë dhe kanë formën e rrathëve (qarqeve) . Në rrafshin e shkretëtirave të atij vendi, në fakt, ka me qindra struktura rrethore të njohura si “rrathët e zanave”, të cilat shfaqen dhe zhduken pas disa vitesh pa ndonjë arsye të dukshme dhe të njohur deri më tani. Sa më të mëdha të jenë në sipërfaqe, aq më shumë zgjasin në kohë. Mesatarisht ato ‘jetojnë’ për rreth 24 vjet, por disa arrijnë edhe deri në 75. Këta rrathë të mistershëm janë qartësisht të dukshëm, sepse bimësia rrethon në mënyrë ekzakte, pa shkelur brenda territorit të tyre, perimetrin e këtyre qarqeve të tokës, të cilët mund të kenë një diametër që varion nga 2 deri në 12 metra. Ekzistenca dhe shkaqet që mund të kenë çuar në formimin e këtyre rrathëve i ka vënë shkencëtarët përballë vështirësive dhe ndaj ata vijojnë të jenë të veshur nga misteri. Në fakt, ekzistojnë disa hipo

Mund të quhet fare mirë Atlantisi britanik. Një botë e fshehur nën ujë, e gëlltitur nga Deti i Veriut është zbuluar kohët e fundit nga zhytësit që punojnë me ekipet shkencore të Universitetit St Andrews, në Britaninë e Madhe. Vendi që dikur ka qenë i banuar, i quajtur Doggerland, një zonë e madhe e përbërë nga tokë e thatë që shtrihej nga Skocia në Danimarkë, është përmbytur nga uji në mënyrë graduale, duke nisur nga 18.000 vjet p.e.s deri në 5.500 vjet p.e.s. Zhytësit   kanë zbuluar mbeturinat e një ‘bote mbytur’ me një popullsi prej dhjetëra-mijëra njerëzish, që mund të ketë qenë dikur “zemra e vërtetë” e Europës. Një ekip klimatologësh, arkeologët dhe gjeofizikanësh kanë rikrijuar hartën ku shtrihej zona dikur e banuar, duke përdorur të dhëna të reja të mbledhura nga disa zhytës të kompanive të naftës – dhe   janë në gjendje të përcaktojnë shtrirjen e plotë të një ‘toke të humbur’, dikur të populluar edhe nga mamuthët. Studiuesit thonë se popullsia e këtyre vendeve të