Anglia ka ulur flamurin gjysëmshtizë, ndahet me pikëllim nga "Zonja e Hekurt", Margaret Thatcher

"Zonja e Hekurt", një nga figurat më të shquara në skenën politike botërore të viteve 1980-të ndërroi jetë.
Ish-kryeministrja britanike Margaret Thatcher vdiq të hënën (08.04.2013) në moshën 87 vjeçare si pasojë e një hemoragjie cerebrale. Politikania konservatore vuante prej disa vitesh nga demenca dhe kishte kohë që shfaqej shumë rrallë në publik.

Thatcher ishte kryeministre e Britanisë së Madhe në vitet 1979-1990 duke qenë edhe gruaja e parë që mbante këtë post. Ajo bëri emër kryesisht në lidhje me luftën për ishujt Falkland kundër Argjentinës dhe rolit të saj në kuadër të Komunitetit të dikurshëm Evropian. Thënia e saj, "Dua të më ktheni paratë e mia", me të cilën ajo arriti të realizonte të ashtuquajturën "skonto për britanikët" brenda financave të BE-së janë bërë legjendare. Pas largimit të saj nga Downing Street, ajo u bë pjesë e fisnikërisë britanike dhe anëtare e Dhomës së Lordëve.

Margaret Thatcher dominoi politikën britanike dhe pjesë të politikës botërore në vitet 1980. Brenda vendit ajo shkaktoi furore sidomos me kursin e saj jashtëzakonisht të ashpër kundër sindikatave deri atëhere tradicionalisht të forta në Mbretërinë e Bashkuar, me shkurtimin e përfitimeve sociale dhe valën e privatizimeve. Kritikët e politikës së saj i konsiderojnë këto hapa si gabime të rënda politike, ithtarët si reforma që vazhdojnë të jenë të rëndësishme për ndryshimet strukturore.
Ronald Reagan dhe Margareth Thatcher, samiti i G 7 më 20 - 21 korrik 1981 në Ovata Ronald Reagan dhe Margareth Thatcher, samiti i G 7 më 20 - 21 korrik 1981 në Ovata


Në politikën e jashtme, Thatcher ishte po aq e pakompromis. Me presidentin amerikan Ronald Reagan thuhej se ajo kishte një miqësi të ngushtë politike. Kurse marrëdhëniet e saj me ish-kancelarin gjerman Helmut Kohl (CDU), ishin të trazuara. Pas rënies së perdes së hekurt, Thatcher qe fillimisht skeptike në lidhje me ribashkimin e Gjermanisë.

Mbretëresha Elizabeth II dhe kryeministri britanik David Cameron shprehën pikëllimin e tyre për vdekjen e Margaret Thatcher-it. Sipas njoftimeve nga Downing Street Thatcher-it do t'i bëhen nderimet e fundit me një ceremoni të madhe funebër, por pa homazhe publike.




















Comments

Post a Comment

Popular posts from this blog

PROTAGORA: Njeriu është masë e të gjitha gjërave

Image
PROTAGORA (greq.Πρωταγόρας),Abderas, filozof grek (481-411 p.e.r.). Sofisti më i njohur dhe me ndikim më të madh.Në kohën kur u paraqitë Protagora,në vend të debateve rreth teorive alternative të natyrës, filozofia u orientua tani drejt problemit të dijes njerëzore, duke pyetur në se është e mundur, për mendjen njerëzore, të' zbulojë ndonjë të vertetë universale. Kjo pyetje u ndërlikua më tej nga zbulimi i diferencave kulturore midis racave dhe popujve të ndryshëm, dukë bërë që problemi rreth së vërtetes të mplekset ngushtë me problemin e së mirës. A mund të ketë një koncept universal të së mirës, në qoftë se njeriu do të ishte i paaftë të njihte ndonjë të vërtetë universale? Grupet kryesore, në këtë debat të ri, ishin sofistët dhe njeri prej tyre ishte Protagora. Tre sofistët më të shquar, të cilët e zhvilluan aktivitetin e tyre në Athinë gjatë shekullit të pestë p.e.s., janë Protagora (Protagoras), Gorgiasi (Gorgias) dhe Trasimaku (Thrasymachus). Ata ishin pjesë e një
Read more

Kush është Frederik Shopen

Image
Frederik Shopen (Frédéric Chopin) u lind më 1 mars 1810, kjo datë gjithsesi mbetet e diskutueshme për kompozitorin dhe fa-miljen e tij, pasi në certifikatën e lindjes që është lëshuar disa javë pas lindjes, shënohet 22 shkurt. Shopen është lindur në fshatin Żelazowa Wola, pranë Sochaczew, në rajonin Mazowsze që atëbotë bënte pjesë në Dukatin e Varshavës. Zotërimet e Żelazowa Wola i përkisnin kontit Skarbek dhe ati i Shopenit, Mikollaj (Nicolas) Chopin, polak me origjinë franceze, ishte atje i punësuar si kujdestar. I lindur në vitin 1771 në Marainville, në Lorraine të Francës, ai ndërtoi, në fëmijërinë e vet, marrëdhënie miqësore me familjet polake të kontit Michal Pac si dhe me administratorin e pasurisë së tij, Jan Adam Weydlich. Në moshën 16 vjeç Mikollaj shoqëron për Poloni miqtë e vet francezë dhe vendoset atje përgjithnjë. Nuk kthehet më në Francë dhe as nuk mban marrëdhënie me familjen e tij franceze, duke i rritur fëmijët e vet si polakë. Në 1860 Mikollaj Shopen
Read more

OGUST KONTI: Për të krijuar shoqërinë e re çdo fantazi e vjetër duhej të lihej mënjanë, qoftë kjo e Zotit opo e dogmave metafizike, për barazinë apo sovranitetin e popujve

Image
Për të krijuar shoqërinë e re çdo fantazi e vjetër duhej të lihej mënjanë, qoftë kjo e Zotit opo e dogmave metafizike, për barazinë apo sovranitetin e popujve. Përderisa funksioni i mendjes tani do të jetë të pasqyrojë të saktë gjëndjen reale të sendeve, përmbajtja e besimit të ri, duhet të shkojë drejt burimeve të tilla objektive dhe ky, është vetë humanizmi. Se, në fund të fundit, është humanizmi që na bën ne të gjithë të fitojmë burimet tona materiale, intelektuale, shpirtërore dhe morale. Por, megjithatë, ai nuk donte që të ruante dogmat e së kaluarës; ai megjithatë ndërtoi besimin e ri njerëzor, sikur ai të ishte një version laik i katolicizmit. Ogyst Kont (Auguste CONTE), filozof, sociolog dhe matematikan franc. (1798-1857). Ligjëroi mekanikën dhe matematikën në Shkollën Politeknike të Parisit, mirëpo për shkak të sulmit kundër akademikëve, të cilët, sipas tij bënin «një politikë shkencore të turpshme» dhe botimit të Kursit të filozofisë pozitive humbi vendin e punës.
Read more