“Peshkatarët e Perlave”, kjo kryevepër operistike e Zhorzh Bize mbush 150 nga premiera e saj në Teatrin Lyrique të Parisit

Nga Albert Vataj

“Peshkatarët e Perlave”  është një opera në tre akte e kompozitorit francez Zhorzh Bize, me libret nga Eugen Cormon dhe Michel Carre. Kjo opera, e cila më pas do të kaplonte një famë dhe admirim, u dha për publikun francez më 30 shtator 1863, plot 150 vjet më parë. 18 herë e mbushi Teatrin Lyrique të Parisit, në garën e saj fillestare kjo sprovë operistike e Bizesë. Opera tregon historinë e dy burrave, miqësia e përjetshme e të cilëve kërcënohet nga një grua. Ngjarja rivjen kësisoj nga kohët e lashta në ishullin e Ceilon. Dilema e “Peshkatarët e Perlave”  është konflikti në mes të dashurisë laike dhe betimit të saj të shenjtë si një priftëreshë. Sinopsis i kësaj vepre operistike, nga më të famshme dhe më të debatuarat e asokohëshme dhe krijimi virtuoz i Zhorzh Bize e ngritën në kult këtë kryevepër 150-vjeçare. Në kohën e premierës, kompozitori i  “Peshkatarët e Perlave”, Bize, ishte vetëm 25 vjeç dhe kishte ende sfida dhe mëdyshje për të vendosur veten në botën e muzikës pariziane.

Pavarësisht nga një pritje të jashtëzakonshme nga publiku parizien, shtypi dhe kritika nuk ishte dhe aq miqësore, madje nuk e kursyen ta ngjynin penën në helm për këtë kryevepër operistike. Përkundër këtij realiteti dhe përballjesh, do të ishte kompozitori i famshëm Hector Berlioz , i cili e vlërësoi maksimalisht këtë kompozim, duke mbajtur të ndezur këtë yll në galaksinë e stuhishëm të Pasrisit. Megjithse opera nuk pati ndikim në veprimtarinë krijuese të Bizesë, ajo nuk frenoi as rrugën e tij të suksesit, sikundër nuk i’a hoqi të drejtën “Peshkatarët e Perlave” të bëjë pjesë në fondin e artë të veprave operistike.