Pak histori per Shkodren dhe liqenin e Shkodres

Liqeni i Shkodrës ose ndryshe Liqeni Labiatan ose Liqeni Sintari, i cili lidhet me dy lumejtë e bashkuar Dri+Bunë/Barbana, ka qenë i lundrueshëm qysh nga antikiteti, duke qenë njëkohësisht Skodrinon-i/Shkodra një port liqenor, lumor dhe që lidhej me Ditin Adriatik te Gjini i Drinit. Mendohet madje se edhe vetë emri i Detit Adria/Adriatik lidhet etimologjikisht me lumn Drî si hidronim. Ndryshimi i kufinjve, duke i dhënë padrejtësisht zgjerime artificiale Malit të Zi, me territore të pastra etnike shqiptare, me pjesën më të madhe të liqenit dhe me pjesë të lumit e grykëderdhjes Drî-Bunë, prishi edhe lundrimin tradicional! Deri aty te viti 1945, megjithse duket si paradoks, Shkodra kishte një pjesë mjaft të madhe të flotës tregëtare të brendëshme, lidhej edhe me detin Adriatik e me portin e Shën Gjinit. Më vonë prishja e mardhënieve me Jugosllavinë, vetë politika izolacioniste e regjimit Hoxha-Shehu dhe një farë predispozicioni antishkodran e tamponuan, e izoluan Shkodrën nga lidhja e natyrshme me detin Adriatik, në gjith gjsmën e dytë të shek XX! Me vendosjen e regjimeve demokratike në Shqipëri dhe Malin e Zi, fatkeqsisht e paradoksalisht, vazhdon e njejta inerci! Por, kanë ndryshuar vetëm fjalët, ka Projekte, fjalë të bukura, disa vizita vajtje-ardhje simbolike me turistë, një komision që rruan fonde dhe... gurët në shtrajcë. Sot sapo lexova tek Gaz. 55 përsëri ca fjalë të bukura, "Projekti, Menaxhim i Integruar i Ujrave, Qasje në Kuadrin e Direktivës së BE; Strategji Kombëtare e Ndërkombëtare e Inisiativë e Re për Ruajtjen e Ekosistemit e Biodiversitetit" etj. Kam përshtypjen se edhe kjo llafollogji e re do mbesë vetëm fjalë në erë... O pushtetarë qëndrorë dhe lokalë të Shkodrës, mjaft gritë sallatë, gjejeni më në fund mundësinë: Hapini detin Shkodrës dhe kthejeni aeroportin e Gjadrit si aeroport civil të Shkodrës.
Agron Luka (Facebook)