“Three Gorges Dam”, hidrocentrali i fuqishëm sa 15 reaktore bërthamor

Gjigande dhe padiskutim projekti më madhështor në botë, Three Gorges Dam, në Kinë, filloi dje nga puna me të njëjtën fuqi sa pesëmblëdhjetë reaktorë bërthamorë. Të 32 gjeneratorët u vënë në veprim këtë javë duke e bërë atë projektin më të madh të hidrocentraleve në botë, ndërtuar mbi lumin Yangtze në provincën Hubei. Ai është projektuar për të ulur rrezikun e përmbytjeve gjatë kohës së reshjeve për të ruajtuar rezervat e ujit dhe për ti përdorur rezervat në periudhat më të thata. Nga pjesa e sipërme e lumit Yangtze kanë kaluar dje në rezervuarin e digës 70 000 metra kub për sekondë.