Dren Abazi: Në shtator do të sjell albumin e ri

Yllka Selita

Ai tashmë është bërë një nga këngëtarët më të preferuar jo vetëm në Kosovë por edhe në Shqipëri, pasi ka një stil shumë origjinal, duke e veçuar nga kolegët e tij. Ky është Dren Abazi, këngëtari i cili së fundmi ka sjellë edhe klipin e tij “Natën”, një këngë mjaft verore dhe që të jep shumë energji. Por si po pritet kjo këngë si dhe disa hollësi në lidhje me angazhimet e me projekte e tij, Dreni i jem në një intervistë për suplementin “Summer Timë” në gazetën “Koha Jonë”.

Si po pritet kënga juaj më e fundit, "Natën"?

Kënga megjithëse ka pak kohë që është publikuar mund të them se është pritur shumë mirë pas ajo është këngë mjaft verore, me ritëm dhe energji....Pikërisht ajo që kërkohet në këto ditë të nxehta vere. Unë jam autor i muzikës, pra kompozitori dhe orkestruesi, ndërsa autor i tekstit është Olti Curri....

Ju keni një stil tuajin shumë origjinal të këngëve, a do ju shohim ndonjëherë me diçka ndryshe, apo do të vazhdoni në këtë rrymë? 

Është herët të flitet për faktin nëse do të ndryshoj ose jo me kohe, por mendoj se diferencën në muzikë e bën pikërisht tendenca e artistit për të krijuar një identitet të vetin muzikor...një gjë me të cilën dallohet.

A do të keni projekte të tjera gjatë këtij sezoni apo jo?

Por artisti asnjëherë nuk bën diçka dhe më pas pushon, menjëherë i hyn punës për diçka të re dhe unë si projekt të radhës kam nxjerrja e albumit të ri. Mendoj se do të mund ta realizoj dhe ta kem gati pas sezonit veror, pra ndoshta nga muaji shtator.

Sa i përket ndërtimit të klipeve tuaja, ju i ideoni vetë, apo ia besoni profesionistëve?

Mund të them se idetë për videoklipet zakonisht janë të miat, por normalisht që janë skenaristët dhe regjisorët ata që e çojnë deri në fund këtë punë. Domethënë nëse unë i kam si ide, ata i bëjnë realitet. Edhe në videoklipin e këngës “Natën” ideja pak a shumë ka qenë e imja, pasi gjithmonë kam kërkuar dhe kam dashur që videokli në një farë mënyrë të ilustrojë tekstin e këngës, dhe këto ide për klipin në fjalë i ka realizuar "Passion communitcations".

Së fundmi keni dhënë një interviste ku keni thënë se jeni gjithmonë i rrethuar nga femrat, a është e dashura juaj xheloze për këtë fakt?

Nuk e di ku e keni lexuar por unë nuk e kam thënë këtë pasi,s’është në stilin tim të të shprehurit, pra nuk i përdor fjalë të tilla, por unë s’bëj as titujt e gazetave fatkeqësisht....Dhe nëse të pyet gazetari për një situatë dhe t’i përgjigjesh, më pas e shfrytëzon këtë thënie, por në rastin tonë duke abuzuar me përmbajtjen e saj.

A ka shkuar gjithçka ashtu siç e keni parashikuar ju deri tani karrierën tuaj artistike apo ka pasur edhe të papritura?

Besoj se ka shkuar mirë deri tani. Por mendoj se asgjë nuk është rastësore sepse un ë kam punuar dhe jam munduar që çdo gjë të shkojë siç duhet. Normalisht që çdo rrugë e nisur ka të papriturat e saj, qofshin ato të këndshme ose jo, por mendoj se nuk ka gjë që nuk bëhet, nëse e bën me përkushtim maksimal dhe me dëshirë.

Por ju keni shumë angazhime për këtë sezon, a do pushoj Dreni këtë vere apo jo?

Edhe këtë verë, ashtu si pjesa më e madhe e artistëve të tjerë, jam mjaft i zënë me mbrëmje e koncerte të ndryshme, por kuptohet që kam edhe ditë të lira në mes, nga tre- katër ditë...kështu që këto ditë i shfrytëzoj për të bërë edhe pushimet, pjesë-pjesë....

Mund të na thoni edhe ku?

Por siç ju thashë edhe më lart do të pushoj aty ku kam edhe angazhimet e mia dhe sa i përket plazhit më pëlqen shumë jugu i Shqipërisë, prandaj atje më keni shumë shpesh...