Gerard Depardieu nxjerr në shitje shtëpinë dhe dorëzon shtetësinë franceze

Kriza ekonomike apo politika e re taksuese, ende nuk dihet se kush janë shkaktarët që kanë detyruar aktorin Gerard Depardieu një nga emblemat e kinemasë Franceze dhe asaj botërore të nxjerr në shitje shtëpinë dhe dorëzon shtetësinë. Pak ditë më parë një tjetër personalitet, ose mësaktë shtëpia e dy figurave të rëndësishme dhe shumë publike të Francës, nxorën në shitje vilën e tyre. Eshtë fjala për çiftin Sarkozi. Gerard Depardieu ka vendosur të shesë shtëpinë e tij në Paris për shkak të transferimit të në Belgjik. Çmimi, që aktori francez ka vendor për super vilën e tij është rreth 50 milionë euro. Aktori Gerard Depardieu, vendosi që të dorëzojë shtetësinë e tij franceze, pasi kryeministri e kritikoi për zhvendosjen e tij në Belgjikë, me qëllim shmangien nga pagesa e taksave. Në një letër të hapur publikuar në shtypin vendas, Depardieu fajësonte Parisin zyrtar për ndëshkimin e “suksesit, krijimtarisë dhe talentit”. Një javë më parë, 63-vjeçari i mirënjohur, lajmëroi se do të zhvendoste banesën e tij në qytezën belge të Neçinit, vetëm disa kilometra nga kufiri francez. Kryeministri Jean-Marc Ayrault, e cilësoi këtë vendim si “të turpshëm”, disa ditë më pas. Duke nisur nga viti i ardhshëm, në Francë do të hyjë në fuqi një ligj, që rrit taksën mbi të ardhurat në 75% për ata, që fitojnë mbi një milionë euro në vit, ndërsa në Belgjikë, kjo taksë është prej 50%. “Nuk po pyes nëse vendimi im do të aprovohet apo jo, por më e pakta do të ishte të respektohesha. Shumë të tjerë përpara meje kanë vendosur të largohen nga Franca, por askush nuk është ofenduar ashtu si unë”, deklaroi Depardieu në “Le Journal du Dimanche”. Aktori, i cili e konsideron veten një patriot, akuzoi qeverinë e presidentit Francois Hollande, se po largon të gjithë talentin dhe trurin nga vendi. Sipas përllogaritjeve të Depardieu, ai i ka paguar shtetit 145 milionë euro, gjatë të gjithë jetës së tij.