Vaçe Zela, kumbimi dhe emocioni i këtij zëri vazhdon të magjeps

Nga Albert Vataj

Sot 76-vite më parë lindi Vaçe Zela (7 prill 1939, Lushnjë - 6 shkurt 2014, Bazel) këngëtare ikonë e skenës shqiptare, zëri befasues i forcës dhe virtuozitetit të skenës. Ishte dhe mbeti e papërsëritshme. Kumbimi dhe emocioni i këtij zëri vazhdon të magjeps jo vetëm nostalgjikët por edhe gjeneratën e re të këngëtarëve dhe artdashësve. Forca kumbuese, thellësia dhe aftësia depërtuese bënë që ky dëshmim i artit shqiptar të rrëmbej edhe interesin dhe vlerësimin në arenën ndërkombëtare. Ajo e filloi karrierën e saj në moshë të re dhe në vitin 1962 ishte e para që fitoi Festivalin e Këngës. Me këngën Fëmija i parë, ajo dëshmoi se një idhull i muzikës po lindte atë mbrëmje të 26 dhjetorit të vitit 1962. Repertori i saj është shumë i pasur; numërohen me dhjetëra këngë popullore, të lehta, kantata, balada, etj. Ajo ka një kontribut të rëndësishëm edhe në muzikën e filmit, ku ka interpretuar shumë këngë si pjesë e muzikës së filmave.

Kujtesa jone kolektive eshte e gjymtuar prej egos se njeriut bashkekohor, i cili duke u ndjer plot energji krijuese dhe me nje shpirt flakatar protagonizmi, e ka ta pamundu te ngjit aq lart per te vendosur qofte edhe nje mirenjohje mbi mermerin e ftohte te Panteonit ku ruhet shkelqimi i atij dielli qe na ngrohu zemren dhe na mbush me mall kujtimesh.

Një ndërmendje e mbushur përplot nderim dhe respekt shkon për çdo copëz kujtimi që përbashkon me kohën kur rregëtoi ndër zemra ky zë, kjo qasje virtuoze e skenës së këngës.