Ana e errët e artit

Kjo është ekspozita e parë në Gjermani, e cila përqendrohen në anën e errët të romantizmit dhe trashëgiminë e saj, më së qarti në veprat e vonshme të simbolistëve dhe surrealistëve. Më se 200 eksponate janë dëshmi të mahnitjes që e kanë ndier shumë artistë ndaj errësirës, fshehtësisë dhe së ligës. Përveç veprave të shkëlqyeshme të vetë muzeut, janë ekspozuar edhe vepra të huazuara nga Prada, Luvri, Instituti Artistik i Çikagos dhe nga Muzeu D'Orsi. Veprat e Gojës, Johan Hajnrih Fislit, Uilliam Blejkut, Teodor Zherikosë, Ezhen Delakorës dhe Kaspar David Fridrihut tregojnë një frymë më ndryshe të romantizmit, i cili e kishte pushtuar Evropën në fund të shekullit të 18-të. Në shekullin 20 drejtimin e njëjtë e kanë vazhduar Dali, Magrit, Paul Klej dhe Maks Ernst. Veprat e tyre bëjnë fjalë për vetminë dhe melankolinë, pasionin dhe vdekjen, mahnitjen me horror dhe për mungesën e arsyeshmërisë së ëndrrave. Shumë drejtime artistike të prezantuara këtu rrjedhin nga besimi i tundur në mendimin përparimtar e të ndritshëm i cili u imponua pas revolucionit francez në fund të shekullit të 18-të, fillimisht të festuar si agim i një periudhe të re. Terrori i përgjakshëm dhe tmerri që pasuan kanë sjellë shumë vuajtje dhe kanë shkaktuar një thyerje të radhitjes shoqërore në një pjesë të madhe të Evropës.