Artistët
e rinj shqiptarë dhe fryma, që ata përcjellin përmes lojës dhe imazhit të tyre,
prej kohësh janë bërë pjesë e talenteve më të mirë evropianë. Këtë gjë e
dëshmoi më së miri aktori Nik Xhelilaj, i cili vitin e kaluar u rendit si një
ndër yjet më të mirë kinematografikë evropianë. Pas këtij çmimi, Xhelilajt iu
hapën dyert edhe për role të tjera ndërkombëtare filmike, ku sot po vazhdon
karrierën e tij artistike përkrah emrave të njohur. Por, edicioni i 63-të i
Festivalit të Filmit në Berlin do të flasë shqip nga një tjetër talent shqiptar,
aktorja kosovare Arta Dobroshi. Aktorja kosovare Arta Dobroshi, do të jetë një
tjetër aktore shqiptare, që është futur në dhjetë aktorët më të mirë evropianë,
kjo në kuadër të European Film Promotion, pjesë e së cilës është edhe Qendra
Kinematografike. Kjo e fundit, si anëtare e rregullt e EFP ka nominuar
Dobroshin dhe kjo e fundit nga më se 30 konkurrentë nga Evropa, është futur në
dhjetëshen më të mirë. “Po ndihem tepër e nderuar për këtë çmim, është moment
madhështor për mua dhe për vendin tim Kosovën. E kam patur ëndërr të jem
“Shooting Star”, por për shkak se nuk kemi qenë shtet dhe anëtarë të European
Film Promotion, nuk kemi pasur mundësi te jemi të nominuar”, ka thënë Dobroshi
kur ka marrë lajmin. Përveç Arta Dobroshit nga Kosova, 10 aktorët më të mirë të
rinj të Evropës për 2013 janë: Mikel Boe Folksgaard nga Danimarka, Laura Birn
nga Finlanda, Christa Theret nga Franca, Saskia Rosendahl nga Gjermania, Luca
Marinelli nga Italia, Ada Condeescu nga Rumania, Jure Henigman nga Sllovenia,
Nermina Lukac nga Suedia dhe Carla Juri nga Zvicra.
EFP zbulon 10 talentet e
reja
EFP
zbulon 10 talentet më të shquar të Evropës duke vepruar për të paraqitur në
Berlin International Film Festival (9-11 shkurt). Dhjetë të rinj të talentuar
evropianë do të gjejnë veten në qendër të vëmendjes si pjesëmarrës në “Shooting
Stars”, duke u zhvilluar nga 9 deri me 11 shkurt 2011 në Festivalin Ndërkombëtar
të Filmit të Berlinit. Zgjedhur nga një listë pre 30 kandidatësh të propozuar
nga organizatat anëtare të Filmit Evropian Promovimit (EFP), dhjetë aktorët e
rinj janë zgjedhur nga një juri profesionistësh të krijuar për industrinë e
filmit për punën e tyre të shquar në filma me metrazh të gjatë. “Shooting Stars”
është mbështetur nga Programi Media i Bashkimit Evropian. Kandidatët e përzgjedhur
do të shkojnë për të shërbyer si ambasadorë për kinemanë evropiane, duke
demonstruar talentet e tyre për audiencën ndërkombëtare.
Rolet e arrira të aktores
33-vjeçarja
nga Kosova tashmë ka treguar talentin e saj në disa prodhime kinematografike,
të cilat kanë tërhequr vëmendjen e kritikës. Një nga filmat e saj të arrirë
është “Lorna’s Silence” të vëllezërve Dardenne, që e bëri të famshme. Aktorja
kosovare mësoi frëngjisht brenda dy muajve për të interpretuar. Ndërsa, në
lidhje me filmin “Tre Botët”, Artës i është besuar një rol “shumë emotiv”. Në
filmin “Late Bloomers”, aktorja ka edhe një skenë “të nxehtë” me aktorin William
Hurt.
Comments
Post a Comment