Pellgjet e kripës në Gjirin e San Fransiskos

Nëse nuk keni fluturuar kurrë mbi gjirin e San Fransiskos, sigurohuni që kur ta bëni një gjë të tillë të merrni një pamje të mrekullueshme nga dritarja pasi pellgjet e kripës në këtë vend janë një nga pejsazhet më me shumë ngjyra. Pellgjet artificiale të kripës janë të cekët dhe janë krijuar për të prodhuar kripëra nga uji i detit, një proces i cili zgjat për vite për të krijuar kripë cilësore. Pellgjet e kripës ndryshojnë ngjyrat nga blu, në të gjelbërta dhe të përpurtë dhe kjo falë mikroorganizmave që shtohen kur niveli i shëllirës rritet.

Aty ku niveli i kripës është i ulët pellgjet karakterizohen nga ngjyrat blu dhe të gjelbërta. Paleta e ngjyrave të pellgjeve të kripës pasqyron një mikro-ekologji të pazakontë megjithatë kjo është vetëm një kuriozitet i natyrës. Algat dhe mikroorganizmat e tjera krijojnë një bazë për një ekosistem të pasur duke mbështetur më tepër se një milion zogjsh bregdetarë, kafshë të egra e specie të tjera. Në të njëjtën kohë këto specie rregullojnë cilësinë e ujit e cila promovon edhe zhvillimin e një kripe me cilësi më të lartë.